Halkara forumyň we “Turkmen-Travel” EXPO-nyň çäginde netijeli B2B we B2G duşuşyklar geçirildi
Resmi habarlar
Halkara forumyň we “Turkmen-Travel” EXPO-nyň çäginde birnäçe netijeli B2B we B2G duşuşyklar geçirildi.
Gepleşikleriň dowamynda Uganda, Belarus Respublikasy, Gyrgyzystan, Tailan we beýleki köp ýurtlaryň wekilleriniň arasynda iki taraplaýyn hyzmatdaşlygyň mümkinçilikleri we işewürlik gatnaşyklaryny berkitmek meseleleri ara alnyp maslahatlaşyldy.
Medeniýet, bilim we awiasiýa ugurlarynda hyzmatdaşlygy ösdürmäge aýratyn üns berildi. Duşuşyklar ýokary derejede geçirilip, olara Türkmenistanyň we Ugandanyň medeniýet ministrleri, öňdebaryjy ýokary okuw jaýlarynyň rektorlary, şeýle hem awiasiýa pudagynyň wekilleri we bilim ministrlikleriniň işgärleri gatnaşdylar.
“Turkmen-Travel” forumy we EXPO tejribe alyşmak, täze hyzmatdaşlyklary ýola goýmak we durnukly ösüşe hem-de halkara hyzmatdaşlyga gönükdirilen bilelikdäki başlangyçlary ara alyp maslahatlaşmak üçin möhüm meýdança boldy.